夜訪AIA友邦歐陸嘉年華~

老公收到保險公司的email, 送他4張電子入場劵, 可以免費入去友邦歐陸嘉年華, 不過有時限, 只可以星期一至四去, 又要2月12日前去, 結果終於抽空在限期前最後一日夜訪, 因為當日要返工, 唔係就再抵玩一點~~

行過去的時候見到摩天輪~~ 不過周圍都未整好, 都係覺得遲啲先上去, 看的風景可能會更好~~

手機不太影得清楚, 其實好多人都在限期前最後一日才來, 於是排了15分鐘才可以入去~~ 不過唔駛排一個鐘已經好好了~~ 這天亦是最後一日有$90票, 過了呢日, 大人一人要收$125~~ 但剛剛有新消息, 2月18日前, 下午2時前入內, 2人同行, 1人可免入場費, 即係免了25蚊, 都算抵咗架~~

又近影多一次摩天輪先~~

我們的電子入場劵只包入場, 沒有任何代幣, 於是未買代幣玩之前, 我們就周圍看看~~

周圍都有不少人, 不過大多數人都係玩公仔攤位, 玩機動遊戲的人不太多~~ 我們看完之後都覺得機動遊戲不算好抵, 例如碰碰車坐4分鐘就1人50蚊, 如果玩多幾個遊戲已經幾百蚊, 仲未計玩公仔攤位, 似乎入去海馬公園或廸廸尼玩感覺上抵啲~~

所以有些遊戲真係冇人玩, 例如呢個韆鞦~~

仲有呢個迷你遊戲~~ 可能夜晚冇咩細路, 就冇咩人有興趣~~

呢個小飛象都係冇人架~~

比較刺激的遊戲就多人玩啲, 不過我們就唔敢, 因為見到它們轉來轉去, 自己都頭暈, 心驚膽跳...

又係啱小朋友的3D Fun house~~

其中一個轉來轉去的遊戲, 啲人倒轉了十幾次, 淨係睇都好驚...

有鬼屋, 不過又係冇咩興趣~~

看完一輪, 都係覺得公仔攤位抵玩啲, 起碼有機會可以拎公仔返屋企, 而且每個攤位最少2個代幣就可以玩一局, 於是換了十幾個代幣, 試了幾個攤位的遊戲, 不知不覺就玩哂了~

明天要返工, 於是玩哂啲代幣就走啦~~

挺美的滑梯, 如果唔駛俾代幣, 真係好想玩一次~~

玩了幾個攤位, 結果贏了2個細獎, 雖然只是2個小公仔, 不過好過咩都冇~~~ 總體上都覺得是一個好玩的嘉年華, 如果可以收平啲價錢就好了~ 老實說, 唔係因為有免費票, 真係未必去玩呀~~

借用它的羊仔圖, 預祝大家新年快樂, 人人身體健康, 事事如意~~~

http://tgec.asia/zh/ (官方網站)

http://hk.ulifestyle.com.hk/activity/detail.html?id=ABJGD1ozBw9ZEgNv

http://daidaipipi.blogspot.hk/2015/01/aia.html

http://www.weekendhk.com/home/%E6%9C%80%E5%BF%AB%E6%94%BB%E7%95%A5%EF%BC%81aia%E6%AD%90%E9%99%B8%E5%98%89%E5%B9%B4%E8%8F%AF5%E5%A4%A7%E6%8A%B5%E7%8E%A9%E6%94%A4%E4%BD%8D%E8%BC%95%E9%AC%86%E6%8E%9F%E5%85%AC%E4%BB%94tips%EF%BC%81/ (輕鬆贏公仔tips~)