情人節晚餐@Chef's Stage Cafe~

新年那幾日公眾假期好忙, 唔係拜年就係食飯, 都未有時間寫有關新年慶祝的blog, 之前仲有些事情未寫, 唯有"倒帶", 寫住有關情人節慶祝的事先啦~~

今年情人節比較懶惰, 決定外出吃晚飯, 又唔想正日太貴, 於是早一日去慶祝, 就試吓這間西餐廳~

從元朗西鐵站行一會就到~ 它的門口的裝修是黑色為主, 差點看不到行過了, 幸好去到的時候仲有位, 不過就唔係坐"正店", 而是坐隔離另一個舖位, 可能它愈來愈多人幫襯, 所以租埋隔離, 就可以坐多啲客~~

很快就決定吃2個dinner set~ 先來的是麵包及醬汁~~ 兩款麵包都幾好味, 芝麻條脆脆哋, 另一款包有點似平時食的蒜蓉包~ 醬汁味道唔錯, 同麵包好夾~~ 如果麵包份量可以多一點就好了~~

餐飲可以選茶、啡或朱古力, 我們當然是選朱古力~ 我叫了熱朱古力, 送上來時見到一些朱古力在飲品的水面上, 感覺獨特~ 味道都唔錯, 不會太甜~~

老公叫了凍朱古力, 樣子吸引好多了, 有舊忌廉在上面~~ 不過味道同熱朱古力差不多~~

dinner set可以揀沙律或餐湯, 我們每樣一款share來食, 就可以2樣都試吓~~ 粟米湯味道濃郁, 挺好味~~ 雞肉沙律可能加了不少橄欖油同黑醋, 味道不錯, 而且菜也不苦, 很快就食哂~~

其中一款主菜是澳洲牛排~ 肉質同味道都合格之上, 唯一美中不足就是覺得有點多油, 可以令它更好食, 不過食完就覺得個嘴好油......配菜、薯蓉同附上的牛肝菌汁, 3樣食物味道都合格~ 整體都算好味的~~

自己是食露筍菠菜汁意粉, 掛住食唔記得影...不過印象好深的是, 第一次食這麼綠色的意粉, 成碟都係綠色, 原來係一碟"素菜", 不過露筍煮得幾好食, 冇草青味或苦味, 菠菜汁同意粉都幾夾, 食完個嘴變了綠色, 而且意粉熱辣辣好夠熱~~ 唯一問題又係太多油, 可能多油真係可以令食物好味啲, 不過總是覺得太多油唔係太好~~

最後加錢要了一碟homemade tiramisu~~ 個人覺得整得幾好食, 蛋糕軟綿幼滑, 甜味適當, 不過老公話蛋糕底冇浸咖啡酒, 唔係好食得出咖啡味, 不過個人覺得算整得唔錯了~~

總體來說, 這間餐廳有機會可以再幫襯~ 食完仲有一張儲印卡, 食多一次已經有優惠~ 另外有張20蚊優惠劵, 去餐廳旗下雜貨店買嘢可以減20蚊, 都唔錯~~

最後, 當然要謝謝老公的愛心花束. 很美的顏色~~ 希望年年情人節都可以繼續開心甜蜜 ^^~~

http://www.openrice.com/zh/hongkong/restaurant/%E5%85%83%E6%9C%97-chefs-stage-cafe/128673?region=0&s=3