晚餐@點點心~

有晚剛好想食點心, 於是同老公去了呢間"點點心", 標榜自己係某著名雜誌101間全球最佳食店之一, 還有其他名堂 (請看它們官網的介紹)~ 以前去過添好運等等的點心店都唔記得寫低, 今次就寫吓先~~

其實"點點心"之前已經幫襯過佐敦分店, 那次在下午茶時段, 坐無虛席, 點心整得好快, 味道大致不錯, 但係太多人坐到好迫......這次去灣仔分店, 不知如何?~~

去到剛剛開始晚飯時段, 如果唔叫點心, 都有$30的特價客飯, 好似都幾抵, 不過都係想食點心~~ 另外都見到不少遊客, 相信都是慕名而來~~

第一次食呢個"真係菠蘿包" 已經覺得好好味, 因為自己好鍾意食菠蘿, 而且個脆皮幾鬆化~~ 今次再食都幾好, 唔同分店都有水準~~

脆皮鮮蝦腸都是慕名而叫的, 不過唔知係咪好快凍咗, 不夠脆口, 去到最後有點肥膩......麻麻添...

蟹子燒賣王, 合格, 味道同有水準的酒樓差不多, 即係夠傳統, 冇咩特別, 不過味道不錯的~~

藥膳荷香雞, 不過很可惜竟然不覺得有味道......雞冇雞味, 也不見得有藥材味, 糯米飯又係咩味道都冇咁......5個點心裡面, 最唔滿意就係呢個......

幸好有這個古法馬拉糕挽回一點分數, 微熱、軟綿綿, 味道不錯~~

總體來說, 菠蘿包、馬拉糕很有水準, 以前食過的蘋果叉燒酥都幾好味~~ 至於傳統點心, 只能說是合格, 不過不失, 但係傳統點心如果變化太多, 就不是傳統點心, 可能又唔好食......可能如果"點點心"可以設計更多新派點心, 可能會更加好吧~~

有興趣可以看多些它的官網及其他介紹:

http://www.dimdimsum.hk/index.html

http://www.openrice.com/restaurant/sr2.htm?shopid=47903

http://www.openrice.com/restaurant/sr2.htm?&shopid=74998

http://www.openrice.com/restaurant/sr2.htm?shopid=78547&tc=sr1

http://www.openrice.com/restaurant/sr2.htm?shopid=144018&tc=sr1

http://lohas.pixnet.net/blog/post/31509777

http://blog.yam.com/iyowayiyoway/article/71247932

http://uu0125emily.pixnet.net/blog/post/54058092