黃媽媽美食之旅~

4月又去了一次大陸, 不過今次係一日過的美食之旅~~ 難得可以同老公、奶奶同佢朋友一齊去~~ 這次參加"街坊旅行團", 可以在香港上車, 過關再坐番同一架車, 算方便~

又做"大鄉里", 第一次在深圳灣過關~~ 真係比羅湖或者落馬州都大好多, 不過當日係假日, 都唔少人過關, 不過快好多~~

我們的行程重點係去食"黃媽媽私房菜", 聽講蔡瀾都讚佢整的菜好食, 所以特地坐3個小時車去到她的"基地"~~ 門口同普通大宅沒有太大分別, 不過點解黃媽媽的地方是"梁宅"呢? 唔同姓噃...

行入門口之後, 有個好大的花園~~ 右邊就是黃媽媽菜式的宣傳牌~~

原來黃媽媽的私房菜食店是一間大"宮殿", 真係估唔到在鄉下偏僻位置都有咁大間屋~

臨入去食飯前影吓花園啲靚花先~~~

係時候食午飯啦~~~ 究竟聞名的菜式有什麼呢?~~

好大煲魚湯~~~ 奶白色而且好濃味, 好好飲~~

雖然都有啲驚禽流感, 不過隻雞煮得好好味, 而且都好熟, 照食~~

這個釀魚肉好味之餘又可以砌番個魚形出嚟, 勁~~ 個人覺得呢碟係當日最好味菜式之一~~

之後又有個釀肉丸~~ 味道都不錯, 不過唔知點解會襯一隻煎蛋~~

食到中途, "黃媽媽"出現迎賓, 真想不到會見到真人, 可能這就是賣點之一~~ 佢請大家飲自家製的梅酒, 又真係幾好飲~~ 有"生招牌"坐陣, 大家繼續期待好餸~~~

這張影唔到真樣~~ 係酸甜骨, 包到一條條, 味道都唔錯~~

又有卷~~ 今次係紫菜同蟹柳~~ 有趣的配搭, 味道都可以~~

奶奶很喜歡這個蓮藕片, 連平時唔鍾意食蓮藕的我, 都覺得煮到好"粉", 變到好似芋頭、番薯, 幾好食~~

這條甜酸魚味道都好好~~

吃了這麼多肉, 少不了有青菜~~ 啡色的是柚皮, 奶奶話好好食, 我就覺得好苦...

食完咁多嘢, 竟然仲每人一個叉燒包, 不過又食得落喎~~~ 味道普通~~ 另外仲有水果盤~~

肚皮食完, 輪到眼睛出去食飯, 看看這個豪華花園先~~

好多魚呀~~ 成個池紅彤彤~~

仲有大大朵紅色百合花~~ 花園近門口位置就有得買手信, 好多團友同奶奶都買咗好多鄉村土產~~

之後我們繼續坐車去佛山市中心~~ 自己都係第一次去~~

我們去到一個叫"嶺南天地"的地方, 是行程的免費景點, 其實是一個新發展的商場+樓盤~~ 不過奶奶有個地方好想去, 加上這裡其實都係以行街為主, 於是我們跟住行去另一個地方~

她想去的就是佛山的祖廟~~ 因為她很久沒有來過, 想再來看看~~ 要另外買飛入去的~~

入到去是一個花園, 中間有一幅二龍壁~

祖廟出名的原因, 除了它歷史悠久, 它的屋頂上還有著名的石灣陶瓷公仔, 整得好有動感~~

幾日前有北帝誕, 加上是星期日, 所以祖廟入面都幾多人, 仲有咩都有得賣的市集, 地道大陸風格~~

入面仲有個大龜池~

好多龜堆埋一齊曬太陽~~

再行入去有楝2層高的建築, 可以入去參觀的~~ 入面有關於修葺祖廟的展覽~

從第2層望出去, 可以見到這楝建築物~ 相信是佛山市的新地標~~

參觀完祖廟之後, 距離集合時間還有少少, 於是我們再折回嶺南天地, 看看入面一個歷史建築物: 簡氏別墅~

樓盤入面有個歷史建築, 相信是大陸少有會"保育"歷史遺址的地方之一, 唔知可以保持幾耐?~~

它的前面有塊展板, 介紹它的修葺經過~ 不過冇咩時間, 唔係睇得好仔細~~

別墅其實是一個建築群, 除了上圖的大宅, 附近還有其他建築物~~ 不過時間所限, 拍了相就要上車了~~

之後, 我們坐車回深圳~~ 我們去到深圳科學園一間酒樓吃晚餐~

雖然晚餐不是美食團的重點, 不過食物都算不錯~ 上圖那個竟然係用油炸鬼整, 幾奇怪的配搭, 不過味道ok的~~

上圖那個東坡肉是夾饅頭食的, 又係幾得意, 不過個饅頭好細個, 夾完之後舊肉會sir出嚟~~ 下圖那個炸芋頭都幾好食~~

因為夜晚黑麻麻, 都冇咩影到, 而且都係經深圳灣過關回到香港, 不如用一張回深圳時看到的夕陽照片作結~~ 這次都是一個不錯的小旅行~~