麗乾花工作坊~

這件已經係2月嘅事啦~ 近來忙了不少, 所以真係少咗時間更新...這幾日又知道咗yahoo blog為了避免垃圾blog泛濫, 唯有縮短大家可以寫的字數 (16000字連html碼), 這樣下去可能愈來愈人搬去其他blog或者唔寫, 到時都唔知仲有冇動力喺呢度寫落去添...

都係寫番正題先~ 今次又係團購, 因為自己之前未整過乾花的DIY, 所以就參加了"麗乾花密封包裝盒工作坊"~ 當時其實仲有相框工作坊, 不過因為密封包裝品可以保存啲花幾年都唔變色, 而啲花擺喺相框入面係會慢慢變色, 所以都係揀包裝盒~~ 而麗乾花同普通乾花不同之處, 就係啲花係用特別的乾花珠放入盒中風乾, 所以可以保持乾花原有的顏色及形態, 比起自己在家就咁整乾啲花效果當然好好多~~

去到的時候, 每人都有個材料包, miss就教大家先貼好底紙同整好個底盒先~

之後就預備好工具, 包括貼花的膠水、夾花的郵票夾、用來修剪乾花的小剪刀等等~~

之後就是選心水的麗乾花同砌花在底紙上~~ 這個步驟當然最花時間, 大家都好努力揀揀揀同砌砌砌, 要砌到合心水先可以貼, 因為貼咗就唔可以再改架啦~~~ 揀的時候要用夾, 因為啲花好脆, 一壓就爛, 所以要小心~

大家就是在這堆花中找來找去~~ 本來玫瑰花都好靚, 可惜擺唔落個盒, 因為miss話朵花的"高度"只可以係1cm或以下, 如果高過1cm, 擺入盒之後再加埋盒蓋, 就會壓低朵花, 畫面不美觀. 如果想用大朵的乾花, 就要整大相框或者水晶球之類先得~

砌好同貼好哂啲花之後, 就可以先貼防潮包在底盒, 再將它貼入底盒中~~~

之後就要砌個蓋~~ 同時將個底盒放入透明膠袋, 交予miss抽好袋入面的空氣, 之後就可以向上貼喺"框"的位置, 就算完成了~~

終於完成啦~~ 點解會有2個盒呢? 因為今次係自己同老公一齊整的~~ 你們估哪個是我整的、哪個是我老公整的?~~

第一次整麗乾花擺設都幾好玩, miss都算耐心教導, 班上有同學報了幾班團購添~~ 她的課室入面都有好多作品, 好多都整得好靚, 去過FB看過, 自己最有興趣就是整水晶球, 不過真係要抽到時間去上堂先得~~

除咗整麗乾花, 這個中心仲有其他課程 (例如銀線首飾), 可以去它的網頁/FB看看:

四合苑(首飾精品) DIY 教學中心:

http://www.siheyuanhk.com/dotcomhkshop/index.php

https://www.facebook.com/pages/Siheyuan-Ornament-Gift/278489918837093