立法會導賞團~

我們去旅行時, 往往其中一個參觀點就是"免費景點"的市政府、市政廳之類, 這次老公話不如去參觀香港的"市政府", 即係可以參觀的立法會~~ 於是在網上報名參加了立法會的免費導賞團~~ 已經係5月的事了~~

我們報了下午的團, 之前就去了尖沙咀, 於是坐船過去中灣再行過去~~ 當日落雨哩, 所以天氣濛濛的~~ 不過都仲看到"門常開"的~~

由中灣碼頭行到去添馬公園, 一路都仲有雨, 所以周圍都冇咩人~~ 距離又近一點~~

入了立法會公眾入口的正門, 右手邊就是這個導賞團集合處, 不過當時未齊人, 而且其實報到應該去左手邊的接待處, 因為要攞通行證的~~

左手邊仲有一個等候區, 不停播住介紹立法會的短片, 至於藍色衫女孩企的位置就是電子留言板, 寫了/畫了意見之後會顯示在牆上, 值得玩玩~~ 上圖那些不是我們的團友, 他們是下一團人, 超多小朋友~

這裡上去就是立法會辦公的地方~~ 不過導賞團一開始, 都係先介紹地下呢層的設備先 (順便等埋遲到的人~)...原來地下這層有立法會的介紹展板、平日才開的立法會圖書館、又係平日才會開的食店、禮品店、仲有一個兒童圖書室, 這個圖書館就日日都開, 當日都有講故事時間, 好啱小朋友~~

這個就是入場證了~~ 一定要有這個證, 加埋導賞員的帶領, 才可以在立法會周圍走~~

電梯上這個藝術品好特別, 一個個人企喺度, 代表香港不同的人、不同的階層, 就是立法會要服務的目標了~~

上了2層, 到嚟呢個位置, 有保安檢查的位置, 不過由於當日冇會開, 所以就唔駛, 唔係平時有會開, 要通過檢查先可以入去架~~

保安嚴密的地方當然就是立法會的"正廳"~~ 都係第一次親身來這個地方, 親眼看到這個制定了不少法律、影響香港人不少的地方~~

它的上面是一個設計特別的圓頂~~

我們身處公眾/記者席看下去~~ 始終都係唔可以行得太近~~ 公眾席就只有櫈, 記者席就有埋枱, 俾佢哋可以一邊聽一邊做嘢~~

用相機"偷拍", 有些議員的枱面都幾亂~~~

我們去參觀的時間正係立法會多事之時, 周圍都有好多贊成或反對"拉布"的宣傳品, 不過我們不是正面參觀, 只係望到側面~~

望完議事廳, 我們就參觀公眾席後面的介紹展板, 都是介紹立法會的歷史~~

行到圓圈的"另一邊", 就是一個可以看到海景的地方, 這條長廊除了一些裝飾品就咩都冇, 可能是容許公眾/議員開會中途休息看海的地方~~

之後落了一層, 就去參觀其他地方, 例如這個會議室~~ 不過好似有啲工程咁~~

中途有得看這幅電子畫, 識得郁的竹子~~ 可能方便可以轉不同畫面, 所以就用了電子畫~~

見唔見到右手邊2個小朋友喺度"摸畫"?~ 因為導賞員話行埋去幅畫識得郁, 所以啲小朋友好有興趣~~

之後又看了一些展板, 例如有立法會各議員照片的介紹板~~ 可能見到他們在會議室好似針鋒相對, 但可能私下係老友來的~~

又有得睇一些古物, 例如這塊板登了歷來立法會主席的名稱~~

之後去到了另一個公眾席~ 如果立法會當日有開會, 而你不是去旁聽開會而是參加導賞團, 就只可以來這個公眾席而唔可以好似頭先咁去上層的公眾席~ 不過導賞員補充, 如果平日來參觀, 可能會撞到議會, 甚至是由議員帶領導賞~~ 都係有趣~~

這裡有個展板, 簡單介紹會議廳的座位分佈~~

參觀了一小時有多, 終於完成了~~ 出去再影多一次立法會的正面~~

唔係導賞員講都唔知, 原來立法會出面的地下有一條線, 是1945年的海岸線~~ 證明這裡填海填到好出, 好耐以前呢度係海邊來的~~

回程之時, 天氣好多了~~ 其實回程之程行了去政府總部地下的"i Bakery", 是東華三院經營的社企餐廳~~ 去了做什麼呢?~~

就是買了它出名的曲奇餅~~ 一盒都要百多元的~~ 盒的設計是隨時轉的, 之前第一次食, 個盒的設計不一樣架~

曲奇餅賣相不錯, 而且味道都不錯, 自己最鍾意就係朱古力味~~ 不過以前有多啲口味, 依家買原來得番4隻味~ 不過當做善事, 支持社企~~

如果想參加立法會的導賞團, 可以看看以下的網站; 無論個人定團體報名都是上網報名就OK~

http://www.legco.gov.hk/general/chinese/visiting/guided.html

如果想了解i bakery, 可以看看這些:

http://ibakery.tungwahcsd.org/ibakery/

https://zh-hk.facebook.com/iBakeryhk