係咪幾似"大峽谷"?~~ 當然比美國的小得多, 不過都值得去看看~~
起點是屯門良景邨~~ 在輕鐵新圍站下車, 經過一間小學, 在良偉樓的附近, 有一條上山的車路,就是入口了~ 有幾支用太陽能發電的街燈, 唔知夜晚係咪真係著呢?~
最初都唔算好斜的~~
對面有些香蕉樹, 不過未見到有香蕉~~
回望一下邨內~~
慢慢沿住斜路上山, 行了10分鐘就見到一個亭~~
仲有一個好近的電塔~~ 好耐冇試過行咁近, 很宏偉但要小心呀~~
這個位置仲有一塊鐵牌, 寫住前方是"軍事重地", 叫人唔好非法前進~~ 其實由呢條路再上, 就是解放軍其中一個操炮區 - 青山操炮區~~ 呢條路條其實會經過危險地帶, 行山之前最好先聽早上的電台廣播 (可能仲要係香港電台RTHK), 會講當日此處是否有操炮, 如果有就真係唔好嚟~~
另一個方法就是去政府憲報的網站, 搜尋同"青山", "青山操炮區" (或用英文: Castle Peak Firing Range) 有關的公告, 就會找到解放軍操炮時間的公告~ 暫時4月1日至6月30日 (星期日及公眾假期除外) 每日都會有操炮, 所以呢段時間一定要揀星期日或公眾假期來才安全~~
政府憲報網址: http://www.gld.gov.hk/egazette/tc_chi/search_gazette/search_gov_notice.html
繼續慢慢上行......斜坡愈來愈斜, 愈來愈不易行......
幸好中途遇上一些漂亮的大紅花~~ 可以有藉口休息一下影相~~
不過影完都係要繼續行~~ 要由這裡行去下白泥, 一定要先過了這座小山~~
屋邨距離愈來愈遠~~~
去到一個位置, 驚訝有十幾隻鴿子在休息~~ 牠們一動不動, 好得意~~
又要拍攝一下有趣的鴿子, 再繼續行~~
突然又見到花朵, 當然又要影一下~~
這日有太陽, 雖然冇夏天咁曬, 但都好熱架......不過如果這日冇陽光, 我們就好難達到行程另一目的, 就是去看夕陽~~
翠綠的山崗, 第一次來看呀~~
就嚟到, 叫自己俾心機~~
終於去到一個高的位置, 不少行山人士都在這裡休息~~ 我們都乘機看看風景~~ 今日可以看到屯門不少高樓大廈, 仲可以見到個海~~
對面看到這個是"無名山", 地圖都冇標名, 只是說這是大欖郊野公園的一部份~~
另外這個休息點附近有小路, 可以行去附近其他山, 包括青山, 不過那些不是石屎路, 是山路, 個人覺得都係唔好隨便行, 除非有哂裝備同有熟人帶路~~
這條車路有時是石屎路, 有時是沙石路, 行的時候要小心~~
估唔到"深山"入面有人在耕種, 不過不知是否合法呢?~~
過了休息點之後, 仲有斜路, 當然要繼續行......
去到另一個高位, 開始見到下白泥~~ 仲見到深圳添~~
又影吓個山~~
石屎路又變了沙石路~~
下白泥的景色愈來愈清楚, 不過仲有一大段路要行, 因為連我們想看的"大峽谷"都未到...
這邊的山比較少樹, 都是草和沙石比較多~~
見到深圳不少的高樓大廈~~ 如果幾年前或十幾年前來這裡, 看到的景況一定好唔同~~
回望遠處的青山~~
又回望我們行過的山路, 小到幾乎看不到了~~
太陽依舊高照, 不過開始預備下山~~
下白泥隔離就是位於曾咀的屯門堆填區~ 其實見到一大片堆填區不是好風光, 更加提醒我們要減少垃圾, 保護環境~~
遠影下白泥的漁塘~~
中途又看到一些野花, 挺美~~
又要近鏡影一下~~ 不知是什麼花呢?~
終於行到路線的重點~~ 這個牌就是提醒大家要"繼續前進", 因為"大峽谷"就在前面了~~
第一次見到香港有這些地型~~ 不過係天然而成, 還是因為操炮或其他人為原因形成, 就不得而知了~
同去地質公園看到的岩石又好唔同~~ 這裡的比較白, 一片片沙石~~
仲有岩洞~~
影相還影相, 周圍行的時候要睇路~~
暫時去不到真正的大峽谷, 看看這個都不錯~~
要行過去有2條路, 左邊那條比較貼近崖邊但其實較易行, 右邊不貼崖, 但向下再向上, 有少少難行, 結果我們都是揀了行左邊~~
因為可以中途停低, 拍攝山谷另一個角度, 不過一定要企穩呀~~~
幾宏偉呀~~
回望剛剛行完的小路~~
既然這裡是行程的重點, 當然要拍多幾張相~~
這天都有不少人來遊覽~ 其實這條都算熱門行山路線~~
有些岩石竟然有點粉紅色~~ 當然又要影一下~~
行過了"大峽谷", 繼續下山, 就是下一個行程的開始: 往下白泥看夕陽~~
有興趣看看香港大峽谷, 又去埋下白泥, 可以看看其他介紹:
http://www.oasistrek.com/leung_tin_au.php
http://hk.apple.nextmedia.com/supplement/travel/%E5%91%A8%E6%97%A5%E4%BC%91%E9%81%8A/art/20130901/18403594
http://littlebunny.me/?p=2698
http://eric-cafe.blogspot.hk/2013/04/leungtinau.html
沒有留言:
張貼留言