團購肥皂DIY~~

月頭時和朋友去了整肥皂~~~ 之前用email約時間發生了少少不愉快事件, 幸好努力爭取, 終於約到時間, 亦好彩有朋友一齊學開心d~~

去到才發現原來是工廠某層的一小角, 最多真係只可以坐6個人, 可算是見過最少的"課室", 而當晚計埋我們得4個人, 加埋導師都係5個, 所以有人陪真係好重要~~

其實肥皂 (亦即是皂基) 已經有, 是白色的, 整造型肥皂之前加熱放在紙杯, 盡快落食用色素/香味再用雪條棍攬好, 然後倒入模內待冷凝固或攪成泥膠狀, 就可以整~~

上圖就見到如何整一個菠蘿油~~ 用一個長方形模整牛油, 另外就用泥膠狀的肥皂整成包身, 之後界開包身插入牛油, 再用多一塊啡黃色"泥膠"整包面, 然後再整色整水, 加多張包紙, 就成了一個望落好好味的菠蘿油, 不過唔食得架~~

之後再整多一個小cupcake, 用了橙色同綠色, 好一個"菠菜忌廉紅蘿蔔cupcake"~~ 朋友整了一個蛋撻, 整得好似~~~ 另外2個同學整了法式小圓餅同fruit tart, 都好靚, 不過自己同朋友都想整港式作品, 所以有機會再整西式甜點~~~

雖然曾經發生了少少事, 不過導師都有耐心教我們, 服務態度都是ok的~~ 所以都算整得開心的~ 而且由於不算複雜, 可以準時落堂, 早d返屋企~~~

唔知可唔可以自己買肥皂基整呢? 有機會看看淘寶先~~ 定係各位blog友有冇介紹?~~

藍莓芝士蛋糕~

如果大家仲記得, 之前整了一個tiramisu蛋糕俾老公, 其實當時買材料時, 買多了一盒cream cheese同cream, 2盒都就嚟到期, 於是又的起心肝整個蛋糕~ 今次老公就想要個藍莓芝士蛋糕, 又試一試先~

今次都係參考了"美味DIY"入面的"藍莓芝士凍餅"食譜: http://www.rthk.org.hk/elearning/dessert/cake_bbcheesecake.htm~ 入面有材料同詳細做法, 以及示範短片~~

自己跟了大部份材料同份量, 不過今次試吓餅底用Oreo餅, 有些份量又少啲 (例如少啲魚膠粉水), 有些又多啲 (例如藍莓jam落多啲, 因為鍾意食)~~

俾個成品切件大家睇吓先~

再訪南丫島~

幾個月之前去過南丫島榕樹灣, 這次就有機會去另一邊的索罟灣, 因為是公司的團體活動日~~ 作為一個大鄉里, 自己係第一次去索罟灣哩~

當日天氣變化莫測, 坐船去到是天陰哩...是一個細小的海灣~~

因為我們要再坐接駁船去這裡的"漁民文化村", 所以行去找另一個碼頭~ 一路行就影下周圍~

黃媽媽美食之旅~

4月又去了一次大陸, 不過今次係一日過的美食之旅~~ 難得可以同老公、奶奶同佢朋友一齊去~~ 這次參加"街坊旅行團", 可以在香港上車, 過關再坐番同一架車, 算方便~

又做"大鄉里", 第一次在深圳灣過關~~ 真係比羅湖或者落馬州都大好多, 不過當日係假日, 都唔少人過關, 不過快好多~~

我們的行程重點係去食"黃媽媽私房菜", 聽講蔡瀾都讚佢整的菜好食, 所以特地坐3個小時車去到她的"基地"~~ 門口同普通大宅沒有太大分別, 不過點解黃媽媽的地方是"梁宅"呢? 唔同姓噃...

麗乾花工作坊~

這件已經係2月嘅事啦~ 近來忙了不少, 所以真係少咗時間更新...這幾日又知道咗yahoo blog為了避免垃圾blog泛濫, 唯有縮短大家可以寫的字數 (16000字連html碼), 這樣下去可能愈來愈人搬去其他blog或者唔寫, 到時都唔知仲有冇動力喺呢度寫落去添...

都係寫番正題先~ 今次又係團購, 因為自己之前未整過乾花的DIY, 所以就參加了"麗乾花密封包裝盒工作坊"~ 當時其實仲有相框工作坊, 不過因為密封包裝品可以保存啲花幾年都唔變色, 而啲花擺喺相框入面係會慢慢變色, 所以都係揀包裝盒~~ 而麗乾花同普通乾花不同之處, 就係啲花係用特別的乾花珠放入盒中風乾, 所以可以保持乾花原有的顏色及形態, 比起自己在家就咁整乾啲花效果當然好好多~~

去到的時候, 每人都有個材料包, miss就教大家先貼好底紙同整好個底盒先~