就是這種~~ 每次可以有4個人一齊坐~~ 牠們拉得好快, 一個圈唔駛3分鐘就坐完~~ 仲以為會玩耐d~~
天氣很冷, 唔係在室內, 就要在火堆取暖~~ 設計像一間小屋~~
坐完就有時間去探狗狗~~ 牠們都很乖, 不過怕相機同陌生人, 一行埋去影相就會走開, 雖然有鐵鍊鎖住都可以行到好遠, 要訓練員陪住先可以一齊影相~~ 唯有偷影牠們 ^^~~ 其實和香港見到的有d分別, 這裡的狗狗看來都是比較瘦 (定係叫健壯?~), 喺hk見過肥好多的husky狗, 唔知係咪在hk好食好住, 所以肥d?~~ 另外就是拉車的都是女狗狗來的~
在養殖場的時間不長, 唯有又拍吓樹林同陽光~~
這裡的樹木同hk的相比真的很不同~~ 唔知夏天係咪綠草如茵呢?~~
盡是白雪雪的世界~~~
之後先回到羅凡尼米市中心吃午餐~~ 未食之前參觀了河岸~~
成條河都結了冰, 很壯觀~~~
太陽映襯住河傍~~
當地的居民會在冰河上用滑雪工具滑行, 或者用雪上電單車~~ 所以冰上有很多軌跡~~
中心的塔寫住的是-17度, 唔怪得今日咁凍~~ 戶外/郊外應該仲凍啲~~
食完之後就要出發去卡士洛定倫 (Kakslauttanen)的玻璃酒店 (Glass Igloo Village)~~ 從羅凡尼米要3個多小時車程才到~~ 去到已經天黑了~~
這是接待處的木屋~~ 入面就有芬蘭出名的芬蘭浴~~ 不過當然是現代版~~~
本來都想試吓, 不過玻璃雪屋和這個芬蘭浴室係有距離, 要行過冰天雪地先返到雪屋, 玩完都變雪條, 加上天黑, 很少燈光, 唯有看看就算~~
之後就是參觀我們住的玻璃屋~~
每間玻璃屋都有2張床, 斑馬紋被 (不過床單都係白色~~)~~ 入面仲有個小小洗手間, 亦有個小花灑, 如果真係要沖涼都勉強可以, 至於大浴室(公眾浴室)又係喺接待處小屋, 真係有d唔方便, 不過要起到呢啲玻璃屋, 設備都唔可以太講究~~ 有地方有床有暖氣已經好好~~
就是這個玻璃天幕, 令到住客可以在室內觀賞極光~~ 不過要熄哂燈先得~~ 唔熄燈, 其他人都可以見到你的一舉一動, 所以都要小心~~
看過房間之後, 就要去celebration house吃晚飯~~ 要行10分鐘先到~~ 雖然唔係好長, 但在露天環境下, 加上最少-20度以下的溫度, 行到成塊眼鏡都起霧氣, 頭髮都起了冰, 行這段路真係好不容易, 不過天氣超凍係見到極光其中一個條件, 多凍也要忍住~~
漆黑中的celebration house, 其實很漂亮, 不過行到嚟呢度幾乎變雪條, 幸好入去有暖氣~~
入面很有聖誕氣氛~~ 因為玻璃酒店的創辦人除了起咗2期玻璃屋, 仲想整多個聖誕老人村~~ 這個宴會廳是"新聖誕老人村"的主打建築之一, 可以讓幾百人舉行宴會~~
除了鹿燈、兩層高的火爐外, 自覺最漂亮就是這幾串燈飾~~~
唯一有意見就是晚餐, 由6點幾食到差不多9點, 主菜等得最耐, 可能係因為好多人一齊食飯, 但都係少過100人, 唔知點解起菜好慢, 唯一覺得較好味就是甜品 (可能自己太鍾意食甜點~~~) 食完出返去已經見到極光開始出現, 所以有啲團友都唔係好滿意~~
不過酒店其實都花了點心思, 例如有室內小煙火表演, 又有2個泰國員工扮人妖咪嘴唱歌加跳舞
食完飯, 大家都即刻返去玻璃屋看極光~~ 下一篇詳細介紹 ^^~~~
沒有留言:
張貼留言