北歐之旅(5): 芬蘭赫爾辛基~

第4晚來到了赫爾辛基, 第5日就是市內觀光~~

這裡和其他歐洲城市差不多, 通常都是幾層高的樓房, 人車不算多~~ 今日的天氣麻麻, 下著小雪又灰灰的~~

究竟我們行去邊度呢?~~

如果淨係睇呢個屋頂, 你估我哋喺邊?~~ 因為好多雪蓋住, 所以我們沿住小路行上嚟, 見到的就是這個"UFO基地" (套用導遊的說話~~)

其實就是旅行團去赫爾辛基必到的"岩石教堂" (Temppeliaukio Church), 如果單看外表, 真的估不到這個是教堂~~ 門口的右上角有個小十字架, 就是教堂的證明~~

有去過的朋友可能都知道, 外表普通, 但係入面真係幾宏偉, 岩石的牆身, 圓木屋頂, 加上有一隊樂園在練習, 雖然是現代設計, 但仍然有神聖的感覺~~ 難怪要來一來看看~

之後, 我們去到了一個公園~~ 見到遠處的一個雕塑嗎? (好像和周圍融成了一體~~~)

這個是芬蘭著名作曲家西貝流斯的紀念碑 (Sebulius Monument)~ 他是芬蘭國歌的作者, 亦有很多著名作品, 所以就為他建了這個紀念碑~~ 等了好久都係有2個人係度, 影唔到"全貌", 不過他們企喺度, 又突然覺得這個紀念碑像個立體心心~~ 後來導遊講番, 先知呢2個係俄羅斯遊客, 他們的tour竟然冇數齊人就開車, 漏咗佢2個喺度.....咁都得??

這個就是西貝流斯先生的真面目~~

雖然白雪雪, 不過公園都有另一番味道~~ 但都幾凍~~~

之後就是第一次的自由活動, 喺市中心的"古蹟區"周圍參觀~~ 旅遊車就是泊在這間白色大教堂附近~~

這間是赫爾辛基大教堂 (Helsingin tuomiokirkko)~~ 白雪蓋著, 真不知道它的屋頂是綠色~~ 冬天白雪雪都好吸引~~

入面不算好華麗, 但都有一定規模~~~

門口的風琴的樣子都很不錯~~

漂亮的燈飾~~

之後行了去海傍~~ 這個好似係市政廳, 不過唔夠時間入去睇添~~

驟眼看, 以為個海真係結了冰~~

不過遠處有架郵輪 (遲些我們都坐啦~~), 就知外海應該冇結冰~~

但海邊真係白濛濛的~~ 都是一個有趣的景象~~

之後再行就見到這個建築物同一條小橋 (右下角)~~

真想不到這是一條愛情橋 (Bridge of Love)~~ 難怪上面有很多個鎖~~ 都是大家祈望有永遠愛情的見證~~

好多好多鎖~~ 仲以為意大利那些地方才有這個習俗~~~

附近的小山上其實仲有一間教堂~~ 那是烏斯佩斯基大教堂 (Uspenskin Katedraali), 是赫爾辛基另一間很著名的教堂, 可惜不夠時間行上去參觀了, 只能拍下外貌~~

吃完午餐, 是第2次的自由活動~~ 我們又周圍逛逛~~ 沿著市中心的公園行行~~

盡頭就是這個著名雕塑: "波羅的海的女兒"~~芬蘭人叫她"阿曼達"~~

之後入到一間手信店, 竟然見到姆明的專層~~ 這裡不是真的Moomin Shop, 但這裡的精品仲多過真的Moomin Shop~~

仲有一幅姆明的壁畫~~ 影低做"手信"~~ 呢間手信店叫"Kankurin Tupa", 有姆明專櫃的是市中心那間 (地址: Pohjoisesplanadi 35), 我們住的酒店(Hotel Grand Marina)也有一間, 不過細好多~~ 市中心呢間除咗姆明專層, 仲有一個地庫, 好多聖誕老人同聖誕老人村的手信, 不過價值就貴少少~~ 但個人覺得這間店可以買到很多不同的手信, 不錯~~

真正的Moomin Shop其實在一間叫FORUM的商場2樓, 這間商場在赫爾辛基火車站的附近~~ 入面其實唔算大, 結果自己都係買咗少少~~ 芬蘭的商場和香港的差不多, H&M又有, 其他類似Uniqlo、運動品店等的店舖都有, 地庫又有超級市場同美食廣場~~ 既然同hk差不多, 所以都係行行就算~~

這是赫爾辛基火車站, 是另一個著名建築~~

入面的設計都很不錯~~ 地庫又係有商店同超級市場, 以及通往不同地方的隧道~~

這裡行出去就可以搭不同的火車~~ 這次旅程選擇不搭火車就是怕辛苦, 不過見到其他blog友的介紹, 原來火車的設備都唔錯~~ 如果下次有機會都試試先~~~

出番去繼續行~~ 周圍都有很多特色建築~~

行吓行吓, 已經傍晚, 我們真的要同這個國家說再見了~~ 希望下次有機會再來這裡深度遊, 無論冬天定夏天都好~~~

我們去愛沙尼亞是坐內陸機, 去機場等2小時, 但坐飛機去塔林只需要半小時, 真係......不過第一次坐咁短途的飛機都幾有趣~~ 仲要係搭巴士落停機坪上機, 好耐未試過~~

去到塔林, 返到酒店先食自助晚餐~~ 又順利渡過了這天~~

今日其實唔係買咗好多~

Marimekko的產品都好靚, 不過價錢都不平, 在機場見到10 euro的小袋, 已經覺得算平, 雖然只有這2隻色~ 它們都是愛沙尼亞做的~ 另外2個是Moorin磁貼, 5 euro1個~ "窮遊"的我們要慳錢, 買手信都要諗清楚先架~~

如果有興趣了解芬蘭同赫爾辛基, 可以看看以下的網站:
http://www.rthk.org.hk/elearning/travel/14_04.htm

http://blog.yam.com/kueihsienl/article/2810068

http://www.utravel.com.hk/DetailCityInfo.php?id=ADsRZhEt