北歐之旅(6): 塔林古城@愛沙尼亞、里加夜景~

已經去到第6日, 行程的一半, 我們來到了波羅的海三小國之一的愛沙尼亞 (Estonia) 的首都塔林 (Tallinn)~~

我們先去了一個如香港紅館的地方~~ 導遊話Lady Gaga、Madonna等巨星都在這裡舉行過演唱會~~

這裡叫臨海歌詠場~ 其實係一個在海邊的露天表演場地, 話最多可以容納10萬人, 勁~~ 不過去到就係白雪雪一片, 積雪很厚, 應該平時要春、夏天先可以舉行活動~~

突然有一群愛沙尼亞小朋友出現, 可能係老師帶佢哋嚟玩~~ 佢哋真係好特意, 因為佢哋一嚟到, 就...

當歌詠場係"滑雪場" (定應該係碌地場?~~), 不停喺度由上面碌去下面, 跑番上嚟又玩過, 一啲都唔怕凍~~~

老公發現咗一個有趣嘅雪人, 唔知係咪佢哋砌呢?~~

那裡仲有一個雕像, 應該是一位愛沙尼亞的名人, 不過唔記得咗名添...佢每日就喺度遠望歌詠場, 唔知諗咩呢?~~

之後我們就去參觀世界文化遺產: 塔林古城~~ 唔知係咪因為要參觀古城, 所以當地特別派一個識講國語的導遊介紹沿途的景點~~ 我們先去座堂山區 (Toompea), 屬於上城區的範圍, 第一個景點就是通比亞城堡, 是愛沙尼亞議會的辦公地方~~

它的對面就是著名的亞歷山大涅夫斯基教堂 (Alexander Nevsky Cathedral)~~ 可惜入面唔可以影相, 內外都好靚好古典~~

看古城牆的時候見到另一個尖塔, 又係好靚~~

之後參觀了另一間教堂: 塔林聖母主教座堂 (Tallinna Neitsi Maarja Piiskoplik Toomkirik), 是古城入面最古老的教堂~~

我們在城區的小徑走來走去, 就去到一個遠眺位, 可以望到整個古城區的景色~~

很多古老的建築~~

之後我們就行到去另一著名景點: 長腿街(Pikk jalg)~

下圖那間餐廳的牆上, 有隻長靴, 就是長腿街的標記~~

沿著這條街往下行, 有點斜又滑, 不過真的很有古典味道~~

這裡是長腿街同下城區分隔的地方~~~

我們入到下城區的範圍~~ 又有很多古色古香的建築, 點都影唔哂~~

行到這裡, 是市政廳廣場 (Raekoja plats)~~ 地方很闊大~~

看到了塔林市政廳 (Tallinna raekoda)~~ 按維基百科說, 它是波羅的海國家唯一的哥德式市政廳, 1322年就有記載~~

我們參觀了其中一間商店, 入面是一個小型藥品及草藥展覽館~~ 之後大家就在廣場其中一間餐廳吃午飯~~ 之後出來時突然下雪~~

個廣場即刻開始白濛濛起來~~

過咗大約15分鐘, 廣場地下已經白哂~~ 我們就要冒雪行去坐旅遊巴, 因為我們又要去另一個國家了~~

不過都係繼續影影影~~

街道都是井然有序~~

這裡其實有好多商店, 但都唔夠時間睇lu...

其實真係唔係睇咗好多, 不過又係時候要坐車去拉脫維亞的首都里加~~

去到已經是夜晚~~ 吃完晚飯, 就走咗出去影相~~

很不錯的橋~~

影埋隔離間酒店~~

另一條橋比較古老, 燈光不算強, 所以影出來的效果麻麻~~ 但眼望係幾靚, 因為橋上的燈很古色古香~~

還有一條橋, 閃著藍色光, 很特別~~

影吓酒店先~~ 呢個品牌好幾個國家都有它的酒店, 另一個北歐酒店牌子就是Scandic, 又係個個國家都有, 大家可以參考一下~~

今日的收獲不算好多, 但發現愛沙尼亞的物價比較低~~ 我們坐車中途休息時, 停在一間愛沙尼亞的超級市場 (那間叫"Hypermarket", 不是supermarket~~), 看到很多貨品比芬蘭都要平, 而且愛沙尼亞加入了歐元區, 可以用歐羅, 所以導遊話好多芬蘭人都會去愛沙尼亞掃貨~~ 唔係我哋唔想拎太多行李, 唔係應該買多啲~~

6包糖及餅乾都係6 euro, 平均1 euro1包, 而且每包朱古力都有15-20粒, 適合做手信~~ 試過哂味道都不錯的 (個人覺得熊仔那包最好食~~)~~ Kalev是愛沙尼亞牌子, 好似芬蘭的Fazer, 好多產品~~ 如果有機會去愛沙尼亞, 有需要就買多啲~~

明天就是第7日了~~

如果大家有興趣, 可以看看其他網友關於塔林的介紹:

http://www.wretch.cc/blog/reminsu/11644036

http://life.newscandinaviandesign.com/?p=701

http://lala7chloe.pixnet.net/blog/post/33760521-%5B%E5%8C%97%E6%AD%90%5D-day-8%CB%99%E6%84%9B%E6%B2%99%E5%B0%BC%E4%BA%9E-%E5%A1%94%E6%9E%97%CB%99%E5%BD%B7%E5%BD%BF%E7%A9%BF%E8%B6%8A%E6%99%82%E7%A9%BA%E5%9B%9E

http://tw.myblog.yahoo.com/iy-blog/article?mid=30205&prev=30206&next=30140&l=f&fid=149

http://pastk.blogspot.hk/2012/02/blog-post.html#!/2012/02/blog-post.html