新手父母講座 (小童群益會)

有天看報紙, 原來政府 (民政事務局同家庭議會) 找了小童群益會合作, 在不同區舉行多個 “新手父母家庭篇” 的講座及工作坊~ 既然第時就會係新手父母, 聽吓都唔錯, 於是又報名參加~

這個系列共有6個講座, 它們不是順序舉辦, 而且不定期在不同區講不同的題目, 這次參加的是 “照顧BB多法寶:「BB病了怎麼辦及與上一代協力照顧BB」工作坊”, 地點在炮台山~ 都幾遠架, 不過抱住八卦心態聽吓, 亦希望有所得著~


第一部份是關於如何與上一代合作照顧BB~ 講者找了一位有公公婆婆協助湊一對龍鳳胎的媽媽, 透過短片形式, 分享她的經驗~ 個人覺得這位媽媽都算幸運, 有一對開通的父母, 大部份時間大家都互相遷就同合作, 所以都冇咩大問題發生~ 其實上一代係有好多他們的 “智慧”, 有時與其正面衝突, 不如用婉轉的方式去討論, 另外就係都要多欣賞長輩湊孫的努力, 因為老人家湊住BB都辛苦, 而且有時他們的經驗都好有用~ 後來講者又邀請在場的父母作分享, 通常意見都係正面的~  希望第時都可以同長輩好好合作啦~

第二部份就有陳以誠醫生講不同的BB病症~ 可能之前聽過類似的題目, 所以都係當溫書, 同埋提醒自己要去物色適合的疫苗計劃, 因為政府提供的疫苗有限~ 其實本來以為係講BB病咗的處理方法, 不過後來諗吓, 其實點病都好, 方法都係睇醫生架啦~

聽完之後, 原來都有禮物包的~ 包括一個很大的環保袋, 磁貼, file, 一本可以記錄BB成長的手冊, 仲有一隻8GB的USB手指~ 都是chocolate rain公仔的, 挺可愛~

仲有一盒教材套, 入面有本小冊子, 有不同的教育孩子及育兒的tips, 而光碟就有相關的影片~ 在apple shop或google play store都可以下載同名的apps, 都可以看到影片同小冊子的內容~

如果有興趣可以去以下網頁報名:
http://habfc.bgca.org.hk/habf/form/index.html

或者看看小童群益會的網頁:
http://www.bgca.org.hk/

聽完講座, 去了附近的super sandwiches吃下午茶~ 又有公司三文治食啦~~ 蔬菜幾新鮮, 而且麥包熱熱哋, 都幾好食~~