第二次去健康院 (18w)

隔了幾乎6個星期, 終於再去健康院覆診~ 今次比上次簡單, 等了一會, 就去磅重、驗小便、仲有量血壓~ 最唔方便就是量小便, 早上就要擺個樽喺手提袋度直到下午, 總是怕樽口不夠緊, 漏了出來就很麻煩……不過為了測量健康就冇辦法啦……


之後等了一會就可以見護士~ 第一位護士做腹部檢查及聽bb心跳~ 一切正常~ 之後就同另一位護士傾計, 說說近來有冇什麼特別情況, 還有告訴我兩次檢查的結果, 包括去醫院做OSCAR的報告, 還有上次的驗血結果~

驗血就一切正常, 可是OSCAR的結果卻比想像中 “高”, 人家通常做到幾萬、幾千份之一, 自己就做到幾百分之一……雖然護士都係話自己屬於低風險 (高風檢係250分之1或以下), 而且這個數字係用了不同factor代入公式計出來, 不過都有少少擔心, 後來再上網找資料, 都係話這個機率不是100%準確, 有人計到低過250份一, 幾十份之一都冇問題, 有人計到幾千份之一, 最後卻發現有問題……自己唔係好想做入侵性測試, 唯有下次去看私家醫生時再問吓……亦相信天父會保守孩子的健康及成長, 要有信心~~

其實同護士傾完之後已經走得, 約了下次時間, 仲有去藥房拎materna~ 護士都有提過要均衡飲食, 自己當然會盡量做, 唔會淨係靠補充劑~~

不過後來去了Taste買嘢, 為了cheer up一下自己, 結果買了一盒迷你葡撻來食~ 不過都係食了2個, 另外2個給老公吃了~

下一次見醫護人員就是去私家醫生照結構~ 希望到時一切順利~