照結構 (21w)

做過OSCAR,下一關就是所謂的 “照結構”~~ 睇番醫生張轉介紙, 全名叫 “高解像胎兒結構超聲波素描”, 簡單說就係用超聲波仔細檢驗BB身體各部份, 以確保BB成長進展正常及跟隨發展水平~

唔知什麼原因, 自己睇開的黃醫生係冇呢個服務, 於是轉介去看另一位羅醫生~ 約了早上9:30, 一入到去已經有幾個人等緊, 仲多人過自己睇開那位, 而且其實醫務所正式係10點先開, 大家都係唔想等太耐先早啲去……不過這日我係 “打尖” 嗰個, 因為我要照結構, 醫生第一個就見我先……好彩, 唔係真係唔知要等幾耐先有得睇……


這次照超聲波比之前更加仔細, 醫生需要看看BB身體各個部份是否正常, 他亦很耐心地逐一向我們講解, 都係好事來的, 因為2D超聲波如果冇解說, 有些部份真係睇唔到係咩嚟~ 一切正常當然好重要, 另外就係確認了性別, 是囡囡~ 同之前黃醫生的推測一樣~ 第時可以同佢扮靚靚啦~~ 當然希望BB可以繼續健健康康、快高長大~

雖然這次照到一切正常, 唯一少少美中不足就係見唔到BB的全樣, 因為她用手擋住了……所以都冇咩好相片給大家看看 (其他相都係頭、手、骨咁……), 希望遲啲BB可以俾我們見吓佢個可愛樣啦~

另外都問醫生拿了一點感冒藥, 因為這幾日都有點流鼻水、鼻塞同咳, 唔知係咪因為呢幾日天氣又熱又乾, 搞到不太舒服……最初都想靠自己好番, 不過成個星期都唔好, 唯有食藥了……吃了幾次藥, 比之前好咗, 但唔係100%好哂, 希望快啲冇事就好了…

這次照結構盛惠$1800, 加埋$150藥費, 幾乎2000蚊~ 為了BB健康係要用多啲錢啦~